mán., 25. okt. | Á Zoom

Endurmenntunarnámskeið í hormónajóga (II)

Gott búst til að koma þér aftur í gang með æfingaröðina og áhugaverðir bónusar eins og Qigong og Yin Yoga
Registration is Closed
Endurmenntunarnámskeið í hormónajóga (II)

Time & Location

25. okt., 17:30
Á Zoom, Reykjavík, Iceland

About the Event

21 DAGS ENDURMENNTUN Í HORMÓNAJÓGA

Það tekur okkur 21 dag að koma okkur upp vana! Þess vegna ætlum við að gefa okkur 21 dag til að koma okkur aftur á bak hormónajógaæfingaklárnum og festa æfingaröðina kirfilega í minninu og vöðvaminninu. Við ætlum nefnilega að láta okkur líða vel og við vitum að þessi klár ber okkur þangað sem við viljum fara.

Námskeiðið er ætlað konum sem hafa lokið byrjendanámskeiði í hormónajóga eða verið að iðka með aðstoð bókarinnar um hormónajóga, hafa dottið af baki eða eru við það að detta, og vilja komast á bak aftur sem fyrst.

Námskeiðið er eingöngu á Zoom. Tímarnir eru teknir upp og þú hefur aðgang að þeim í 3 - 7 daga (fer eftir tímanum). Innifalið í námskeiðinu er einn einkatími með Rakel sem þú getur tekið hvenær sem er á meðan á námskeiðinu stendur.

Kennt er fjórum sinnum í viku, mánudag kl. 17:30, þriðjudag kl. 09:00, miðvikudag kl. 17:30 og fimmtudag kl. 09:00. Samtals í 12 daga en þú gerir sjálf æfingarnar hina dagana. Samtals í 21 dag.

Þú tekur tímann þegar þér hentar.

Á námskeiðinu lærir þú:

  • Hormónajógaæfingaröðina 100% og gerir hana daglega
  • Aukaæfingarnar sem skapa meistarann
  • Færð innsýn í Qigong með áherslu á hormónastarfsemina
  • Yin yoga æfingaröð fyrir hormónabúskapinn og liðleikann

Verð 28.000 krónur. Flest stéttarfélög styðja heilsueflingu.

Kennari er Rakel Fleckenstein Björnsdóttir, jóga- og Qigongkennari.

Umsögn iðkanda:

"Ég lauk byrjendanámskeiðinu fyrir nokkru síðan og fannst hormónajóga virkilega athyglisvert og hef lengi haft þann ásetning að ná góðum tökum á æfingunum. Það var því kjörið tækifæri að skrá sig í endurmenntunarnámskeið til upprifjunar. Það að hafa aðgengi að tímunum á netinu hentaði mér einstaklega vel, þannig gafst mér tækifæri til að endurspila og rýna nánar í þá þætti sem mig vantaði uppá. Það gaf mér kost á að gera mér mínar eigin glósur, sem ég hefði átt að vera búin að gera fyrir löngu. Það er nefnilega fyrst þá sem þetta síast almennilega inn í heilann og nú er bara að festa þetta í vöðvaminninu og þá er þetta klappað og klárt. Ég gerði glósurnar í keep notes í símanum og þá get ég alltaf gripið til þeirra, sama hvar ég er stödd.

Nú hef ég allt sem ég þarf til þess að tileinka mér hormónajóga og ætla ekki að láta það klikka að þessu sinni. Takk fyrir mig"

Svava Garðarsdóttir

Share This Event