Hormónajóga og Qigong

Hormónajóga

Hormónajóga er ákveðið meðferðarform til að koma jafnvægi á hormónabúskap líkamans og endurvekja hann. Hormónajóga er þrenns konar: Fyrir konur, fyrir karla og fyrir sykursjúka. Um er að ræða ákveðna æfingaröð sem samanstendur af jógastöðum (asanas), öndunaræfingum (pranayama), jóga nidra og tíbetskri orkutækni (Qigong). Í hormónajóga eru ákveðnar frábendingar. Þeim sem ekki geta stundað hormónajóga er bent á Qigong.

Höfundur hormónajóga er Dinah Rodrigues. Kennari á Íslandi er Rakel Fleckenstein Björnsdóttir, jóga- og Qigongkennari

Útgefandi bókar um hormónajóga er Yoga Natura ehf.

Qigong

Qigong eru kínverskar orkuæfingar sem sameina hreyfingu, öndun og einbeitingu. Æfingaformin skipta þúsundum. Eitt þessara forma er

HEILLANDI LÓTUS - Radiant Lotus Qigong for women eftir Daisy Lee en þetta form er fyrir konur eingöngu.

Það geta allir gert Qigong.

Rakel Fleckenstein Björnsdóttir, heilsunuddari, hormónajóga- og Qigongkennari

Rakel er margt til lista lagt. Hún er í grunninn hótelrekstrar- og viðskiptafræðingur en sölsaði yfir í heilsugeirann um það leyti sem breytingaskeiðið bankaði á dyrnar, stofnaði sitt eigið fyrirtæki Yoga Natura ehf., og helgaði sig fræðum tengdu breytingaskeiðinu framan af. Hún lærði hormónajóga í Þýskalandi og árið 2019 gaf hún út bók sem hún þýddi úr þýsku um hormónajóga Hormónajóga - leið til að endurvekja hormónabúskap þinn. Árið 2020 hóf hún að kynna sér kínversku hugleiðsluæfingarnar Qigong og sérhæfir sig nú í sérstökum æfingum fyrir konur.

Í maí árið 2024 útskrifaðist Rakel sem heilsunuddari af heilbrigðisbraut Fjölbrautaskólans í Ármúla og rekur nú nuddstofu á heimili sínu í Garðabæ samhliða námskeiðahaldi í hormónajóga og Qigong.

Nánar um feril Rakelar í heilsugeiranum

Árið 2018 útskrifaðist Rakel sem viðurkenndur hormónajógakennari í Þýskalandi en hún nam fræðin hjá höfundi hormónajóga, Dinah Rodrigues, sem búsett er í Brasilíu. Rakel er eini kennarinn á Íslandi sem hefur öðlast þessi réttindi. Hormónajóga er þrennskonar: Hormónajóga fyrir konur, streitulosandi hormónajóga fyrir karla og hormónajóga fyrir sykursjúka (þar sem áherslan er á lifur og bris). Hingað til hefur Rakel eingöngu staðið fyrir námskeiðum í hormónajóga fyrir konur en öll formin eru í boði í einkatímum eingöngu.

Rakel er einnig með kennararéttindi til að kenna Hathajóga (á grunni Iyengar) frá Open Sky Yoga í Bandaríkjunum og réttindi til að kenna Yin Yoga frá Yoga Academy International í Kanada.

Rakel kenndi Qigong í heilsumiðstöðinni Tveimur heimum árin 2020 og 2021 undir leiðsögn Þórdísar Filipsdóttur, Qigongkennara og þerapista og Filip Woolford, Tai chi og Qigongkennara. Samhliða sérhæfði hún sig í sérstöku Qigong æfingaformi sem er ætlað konum sem kallast Radiant Lotus Qigong for women og er eftir mikilsvirtan kínversk-kanadískan Qigongkennara Daisy Lee. Rakel fékk kennararéttindi í þessu formi árið 2024. Rakel hefur einnig lagt stund á Gunnarsæfingarnar svokölluðu hjá Þorvaldi Inga Jónssyni og lokið grunnþjálfun fyrir leiðara í æfingunum.