10 daga upprifjunarnámskeið í hormónajóga

10 DAGA JÓLAUPPRIFJUN Í HORMÓNAJÓGA

Á námskeiðinu ætlum við að gera æfingaröðina í hormónajóga saman, á innan við 35 mín, og í 10 daga (alla virka daga í 2 vikur). Kennslan fer fram alla dagana kl. 08:30 en þú tekur tímann þegar þér hentar þann sama dag.

Þetta er tími aðventunnar og hennar ætlum við að njóta og vera í góðum gír.

Námskeiðið er ætlað konum sem hafa lokið byrjendanámskeiði í hormónajóga eða verið að iðka með aðstoð bókarinnar um hormónajóga.  

Námskeiðið er eingöngu á Zoom. Tímarnir eru teknir upp og þú hefur aðgang að þeim fram að næsta tíma. Þetta er átaksnámskeið þar sem við ætlum virkilega að gera æfingarnar á hverjum degi.

Verð: 16.900 kr. Flest stéttarfélög styðja heilsueflingu.

Kennari er Rakel Fleckenstein Björnsdóttir, jóga- og Qigongkennari.

Umsögn iðkanda:

"Ég lauk byrjendanámskeiðinu fyrir nokkru síðan og fannst hormónajóga virkilega athyglisvert og hef lengi haft þann ásetning að ná góðum tökum á æfingunum. Það var því kjörið tækifæri að skrá sig í endurmenntunarnámskeið til upprifjunar. Það að hafa aðgengi að tímunum á netinu hentaði mér einstaklega vel, þannig gafst mér tækifæri til að endurspila og rýna nánar í þá þætti sem mig vantaði uppá. Það gaf mér kost á að gera mér mínar eigin glósur, sem ég hefði átt að vera búin að gera fyrir löngu. Það er nefnilega fyrst þá sem þetta síast almennilega inn í heilann og nú er bara að festa þetta í vöðvaminninu og þá er þetta klappað og klárt. Ég gerði glósurnar í keep notes í símanum og þá get ég alltaf gripið til þeirra, sama hvar ég er stödd.

Nú hef ég allt sem ég þarf til þess að tileinka mér hormónajóga og ætla ekki að láta það klikka að þessu sinni. Takk fyrir mig"

Svava Garðarsdóttir